Ministri i Jashtëm i Kinës Wang Yi zhvilloi të hënën biseda telefonike me homologun e tij koreanojugor Yun Byung-se dhe atë japonez Fumio Kishida.

Gjatë diskutimeve mes tyre Wang Yi dhe Yun Byung-se arritën konsensus mbi nxitjen e marrëdhënieve kino-koreanojugore dhe shkëmbyen mendime mbi gjendjen në Gadishullin Korean. Kryediplomati kinez vuri në dukje se Pekini u bën thirrje që palëve të ndryshme të zbatojnë rezolutën nr. 2270 të Këshillit të Sigurimit të OKB-së dhe ndërkohë të gjejnë mënyrat për rifillimin e bisedimeve.

Ndërkohë, gjatë bisedës telefonike mes tyre, ministri i Jashtëm kinez Wang Yi dhe ai japonez Fumio Kishida shkëmbyen mendime mbi përmirësimin e marrëdhënieve mes të dyja vendeve. Wang Yi shprehu shpresën se pala japoneze do të bëjë përpjekje konstruktive në këtë drejtim. Kryediplomati kinez dhe homologu i tij japonez diskutuan edhe për çështjen bërthamore të Gadishullit Korean, duke kërkuar gjetjen e zgjidhjes së këtij problemi me anë të bisedimeve.