Afro 4.6 milionë sirianë janë bllokuar në vende të rrethuar nga luftimet dhe ku ndihmat nuk mund të arrijnë, tha zëdhënësi i OKB-së Stephane Dujarriç të premten.

"Pas pesë vitesh konflikti të dhunshëm dhe të pakuptimtë, mbi gjysmë milionë sirianë janë vrarë dhe mbi gjysma e popullsisë është detyruar të shpërngulet nga frika", tha zëdhënësi.

Në të njëjtën kohë, Dujarriç vuri në dukje shpresën e dobët të krijuar pas armëpushimit të javëve të fundit.

Nëpërmjet ndihmës të rregullt dhe të dërgesave të fundit në qytetet e rrethuara, punëtorët e ndihmës humanitarë kanë arritur mbi gjashtë milionë njerëz që nga fillimi i vitit 2016, shtoi ai.

Të hënën do të fillojnë diskutimet kryesore ndërsiriane në Pallatin e Kombeve në Gjenevë.

Konflikti sirian filloi më 15 mars 2011, kur shpërthen protestat anti-qeveritare të frymëzuar nga Pranvera Arabe dhe më pas vendi ra në një luftë të rëndë civile. (Leftion Peristeri)