Kina shprehu "pakënaqësi të thellë" të premten pasi Dalai Lama u ftua në një aktivitet të Kombeve të Bashkuara mbi të drejtat e njeriut.

Shtetet e Bashkuara dhe Kanadaja bashkëmbështeten zhvillimin e një konference me fituesit e çmimit Nobel për paqe gjatë sesionit të 31-të të Këshillit të të Drejtave të Njeriut në Gjenevë. Dalai Lama ishte ftuar në konferencën e drejtuar nga zv./komisioneri Kate Gilmore.

Shtetet e Bashkuara këmbëngulën që Dalai Lama të merrte pjesë në aktivitet pavarësisht kundërshtimit të Kinës. Gjithashtu Kombet e Bashkuara shkelën rregulloren duke lejuar zv./komisionerin për ta drejtuar mbledhjen. "Ne u kemi dërguar një notë proteste palëve përgjegjëse," tha zëdhënësi i Ministrisë së Jashtme Hong Lei.

Ai shtoi se Dalai Lama është një politikan në ekzil që për një kohë të gjatë është angazhuar në aktivitete për ta ndarë Kinën në vend të zhvillimit të aktiviteteve fetare. Dalai Lama, pronari më i madh bujkrob i Tibetit të vjetër, nuk ka të drejtë të flasë për të drejtat e njeriut, tha Hong. (Leftion Peristeri)