Ministri kinez i Mjedisit Chen Jining tha se masat kundër ndotjes kanë dhënë rezultat. Ai paraqiti disa të dhëna që tregojnë për një pakësim të përgjithshëm të ndotjes në mbarë vendin.

Duke folur në kuadër të sesioneve politike vjetore në Pekin, Chen përmendi shembullin e përmirësimit të cilësisë së ajrit, duke vënë në dukje se në 74 qytete që zbatuan standardet e reja të cilësisë së ajrit vitin e kaluar, shifrat mesatare të treguesit PM2.5 ranë me 14 për qind.

Chen u zotua për rritjen e presionit ndaj qeverive vendore për zbatimin e politikave mjedisore.

Ai shtoi se vitin e kaluar, autoritetet gjobitën 191 mijë kompani për shkeljen e rregullave të mjedisit. (Albana)