Ministri i Arsimit i Kinës Yuan Guiren tha të enjten në Pekin se niveli i përgjithshëm arsimor në Kinë renditet në rangun e mesëm dhe të lartë në botë.

Ministri i tha këto në një konferencë shtypi të sesionit vjetor të Asamblesë Kombëtare Popullore të Kinës të legjislaturës së 12-të. Ai tha se ky konkluzion u arrit në bazë të vlerësimit të zhvillimit arsimor të Kinës nga agjencia e pavarur e palës së tretë. Të dhënat kyçe të vlerësimit përfshijnë përqindjen bruto të regjistrimit për parashkollorët që është 75%, duke u renditur në nivelin mesatar të vendeve me të ardhura të mesme dhe të larta. Po ashtu, përqindja neto e regjistrimit në shkollat fillore është 99.9% dhe përqindja bruto e regjistrimit në shkollat e mesme të ciklit të ulët (3-vjeçar) është 104%. Këto dy shifra shënojnë se përqindja e përmbushjes së arsimit të detyrueshëm 9-vjeçar ka tejkaluar nivelin mesatar të vendeve me të ardhura të larta. Gjithashtu, përqindja bruto e regjistrimit në shkollat e mesme të ciklit të lartë është 87% dhe ajo në shkollat e larta është 40%. Këto dy shifra janë më e larta se niveli mesatar i vendeve me të ardhura të mesme e të larta. (Wang Lei)