Lideri i Tajvanit në largim i ka bërë thirrje pasueses së tij të sigurojë stabilitetin ndërmjet dy brigjeve të ngushticës.

Në përkujtim të 25-vjetorit të krijimit të Fondacionit të Shkëmbimeve të Ngushticës të Tajvanit, Ma Ying-jeou u shpreh se Konsensusi i vitit 1992 duhet të mbetet baza e marrëdhënieve ndërmjet pjesës kontinentale të Kinës dhe Tajvanit.

"Ne duhet të forcojmë paqen dhe të ruajmë marrëdhëniet e tanishme ndërmjet të dy brigjeve. Marrëveshjet që kemi nënshkruar përgjatë viteve janë të rëndësishme, por ruajtja e marrëdhënieve nuk është aq e thjeshtë sa e mendojmë. Shpresojmë se marrëdhëniet e tanishme do të vazhdojnë," u shpreh Ma.

Konsensusi i vitit 1992 njihet më shumë si Politika e Një Kine. Sipas tij, të dyja palët duhet të pranojnë se ka vetëm një Kinë, por secila palë mund t'i bëjë interpretimin e vet kësaj politike.

Konsensusi i vitit 1992 ka bërë të mundur arritjen e niveleve të reja në marrëdhëniet politike dhe ekonomike mes dy brigjeve të ngushticës së Tajvanit. Vëllimi i tregtisë dypalëshe gjatë 8 vjetëve të fundit ka arritur në rreth 1 trilion dollarë amerikanë. (Artan Goga)