Kina zuri afro gjysmën e investimeve në kapitalet me rrezik dhe fondet e aksioneve të përbashkëta në botë vitin e kaluar, ndërsa investitorët shfrytëzojnë mundësitë e rritjes së madhe në teknologji.

Sipas një raporti të "PricewaterhouseCoopers", investimet në kompanitë kineze arritën mbi 190 miliardë dollarë amerikanë në 2015-n, ose 48 për qind të vëllimit të përgjithshëm botëror, me një rritje vjetore 170 për qind.

Ndër të gjithë sektorët, teknologjia e lartë ishte në krye si për vëllimin, ashtu edhe vlerën.

Raporti bën të ditur se u arritën 420 marrëveshje në këtë sektor vitin e kaluar, 40 për qind më shumë se në 2014-n.