Hong i bëri këto komente në përgjigje të njoftimeve se sekretari i Mbrojtjes i ShBA-Ashton Carter u shpreh të martën në një fjalim në San-Francisko se pala kineze nuk duhet ta militariziojë Detin e Kinës Jugore, duke e paralajmëruar Kinën kundër veprimeve "agresive" në rajon.
Vendosja nga Kina e objekteve të kufizuara dhe të domosdoshme të mbrojtjes kombëtare në territorin e vet nuk është diçka e re, tha Hong, duke shtuar se vetëmbrojtja e Kinës është një e drejtë që ligji ndërkombëtar u jep shteteve sovrane.
Shtetet e Bashkuara e kanë rritur praninë e tyre ushtarake në Detin e Kinës Jugore, vuri në dukje zëdhënësi i diplomacisë kineze, duke u shprehur se pala amerikane gjithashtu ka kryer stërvitje ushtarake në rajon dhe ka dërguar anije ushtarake dhe aeroplanë në territorin e Kinës pa autorizim.
"Ajo që kanë bërë Shtetet e Bashkuara, ka intensifikuar tensionet dhe ka gjasa të shkaktojë militarizimin në Detin e Kinës Jugore," vërejti Hong.
Ai përsëriti se Kina është e vendosur për të ruajtur sovranitetin territorial dhe interesat e saj detare.
Kina dhe vendet e ASEAN-it kanë besim dhe aftësi për të ruajtur paqen dhe stabilitetin në Detin e Kinës Jugore, tha zëdhënësi i Ministrisë së Jashtme kineze Hong Lei, duke u bërë thirrje Shteteve të Bashkuara që të respektojnë përpjekjet e përbashkëta të bëra nga vendet e rajonit. (Artan Goga)
