Treguesi i Menaxherëve të Blerjes në shkurt ishte 49, nga 49.4 në janar. Një vlerë nën 50 tregon tkurrje.
Ky tregues ka pasur rënie për shtatë muaj me radhë, duke pasur vlerën më të ulët që nga nëntori 2011.
Rënia mendohet se ka ardhur për shkak të uljes së aktivitetit të fabrikave gjatë pushimeve për Vitin e Ri Kinez në fillim të shkurtit.
Ndërkohë, shifrat zyrtare tregojnë se edhe aktiviteti joprodhues ka pasur një rënie të vogël në shkurt, pavarësisht rritjes në sektorin e shërbimeve për shkak të rritjes së kërkesës.
Treguesi i Menaxherëve të Blerjes për sektorin joprodhues ishte 52.7 për qind në muajin shkurt, me një rënie 0.8 për qind krahasuar me janarin. (Artan Goga)
