Hetuesit gjermanë thanë se po përqendrohen tek kontrollori i sinjaleve, ndërsa po përpiqen të gjejnë shkakun që solli përplasjen vdekjeprurëse të trenave të martën.
Një burim i paidentifikuar komentoi të mërkurën në media në lidhje me hetimet. Ai tha se vetëm një trase e hekurudhës u hap për të dy trenat, duke shkaktuar dhe përplasjen e tyre.
Ministri gjerman i Transportit, Alexander Dobrindt, thotë se nga analiza fillestare e kutisë së zezë rezulton se treni nuk kishte ndonjë defekt teknik.
"Pasi përfundoi analiza e kusisë së parë të zezë u bë e qarte se kjo pjesë e trasesë nuk kishte ndonjë problem teknik ndërsa drejtuesi i trenit veproi sipas rregullave. Sinjalet ishin të sakta dhe gjithashtu dhe përgjigja e drejtuesit."
Bilanci i viktimave vijon të jetë 10 nga përplasja e dy trenave në Bad Aibling në shtetin e Bavarisë. (Leftion Peristeri)