Kryeministri turk Ahmet Davutoglu njoftoi të premten se të paktën 15 mijë sirianë që janë larguar nga qyteti verior Aleppo kanë mbërritur në kufirin e Turqisë.

Largimi i emigrantëve erdhi pas shtimit të bombardimeve ruse të premten rreth Aleppo-s, ndërkohë që punonjësit humanitarë druhen se qyteti mund të bjerë shumë shpejt nën kontrollin e plotë të qeverisë.

Trupat qeveritare siriane se bashku më aleatët e tyre libanezë dhe iranianë kanë marrë plotësisht nën kontroll rrethinat e Aleppo-s në 24 orët e fundit dhe ndërprerë rrugën kryesore që e lidh rajonin me Turqinë.

Ofensiva mbi Aleppo shkaktoi dështimin e bisedimeve të paqes në Gjeneve më herët këtë javë.

Konfliktet midis qeverisë dhe rebelëve në Siri kanë lënë të vdekur të paktën 250 mijë njerëz dhe shpërngulur 11 milionë të tjerë që nga viti 2011. (Leftion Peristeri)