Kina dhe Rusia po mbajnë kontakte të ngushta mbi shkëmbimet e nivelit të lartë të këtij viti, tha të enjten zëdhënësi i Ministrisë së Jashtme të Kinës, Lu Kang.
Ai i bëri komentet kur u pyet mbi njoftimet e medieve ruse për një vizitë të mundshme zyrtare të presidentit Vladimir Putin në Kinë, ndërkohë pritet po këtë vit dhe një vizitë e kryeministrit kinez Li Keqiang në Rusi.
Lu tha se presidentët e Kinës dhe të Rusisë ruajnë traditën e vizitave të përvitshme reciproke dhe kryeministrat e dy vendeve mbajnë takime të rregullta çdo vit.
"Shkëmbimet e shpeshta të nivelit të lartë pasqyrojnë thellimin e partneritetit gjithëpërfshirës strategjik Kinë-Rusi," tha ai.
Dy vendet do të punojnë së bashku për të lidhur Rripin Ekonomik të Rrugës së Mëndafshit me Bashkimin Ekonomik Euraziatik si dhe do të kremtojnë 15-vjetorin e Traktatit kino-rus të Bashkëpunimit të Fqinjësisë së Mirë, tha Lu. (Albana)