Kina shpreh keqardhjen për rrëzimin e avionit rus, që shkaktoi vdekjen e njërit nga pilotët, theksoi të enjten në një konference shtypi zëdhënësi i Ministrisë së Jashtme të Kinës Hong Lei.

I pyetur si e komenton pala kineze çështjen e rrëzimit të avionit rus "Su-24" në kufirin e Sirisë, Hong Lei u shpreh:

"Ne jemi të mendimit se lufta kundër terrorizmit është një detyrë e përbashkët dhe urgjente e bashkësisë ndërkombëtare dhe palët e përfshira duhet të forcojnë komunikimin që të shmangin përshkallëzimin e konfliktit."

Zëdhënësi Hong Lei shtoi po ashtu se bashkësia ndërkombëtare duhet të forcojnë bashkërendimin e bashkëpunimin në luftën kundër terrorizmit, për të mënjanuar përsëritjen e rasteve të tilla.