Ministri francez i Ekonomisë Emmanuel Macron dhe homologu i tij gjerman Sigmar Gabriel propozuan përmes një letre të hapur krijimin e një fondi me vlerë 10 miliardë euro për forcimin e bashkëpunimit dhe koordinimit europian mbi çështjet të ndryshme si të sigurisë, të refugjatëve etj., në të mirë të mbrojtjes së rezultateve të integrimit europian.
Në këtë letër dorëzuar presidentit francez François Hollande dhe kancelares gjermane Angela Merkel, thuhet se nga sulmet terroriste deri tek fluksi i refugjatëve, krizat e thella po testojnë vende të ndryshme europiane. Nga një këndvështrim afatgjatë, nëse vendet europiane nuk do të koordinojnë me njëra-tjetrën, do të dëmtohet lëvizja e lirë e njerëzve, mallrave dhe shërbimeve brenda zonës së Shengenit, duke ndikuar edhe në ndërtimin e një tregu të unifikuar.
Për këtë, ministrat e Ekonomisë të Francës dhe të Gjermanisë kërkuan krijimin e një fondi 10 miliardë eurosh brenda 3 vjetësh. Ata shpresojnë që pjesë e këtij fondi të jenë sa më shumë vende europiane, duke e bërë atë si një platformë për largimin e rreziqeve dhe për nxitjen e bashkimit të vendeve europiane në përballimin e krizave aktuale. (Zhang Yan)