Kina shpreson se takimi i punës mes Koresë së Veriut dhe Koresë së Jugut do të ketë rezultate pozitive, u shpreh të martën zëdhënësi i Ministrisë së Jashtme kineze Hong Lei.
Pheniani dhe Seuli ranë dakord të premten për organizimin e një takimi të enjten për të diskutuar kohën, vendin dhe agjendën e diskutimeve ndërqeveritare.
Zëdhënësi Hong Lei shprehu gjithashtu ngushëllime për vdekjen e ish-presidentit të Koresë së Jugut Kim Young-sam, duke përmendur ndihmesën e tij për zhvillimin e marrëdhënieve Kinë-Kore e Jugut.
Kim Young-sam u nda nga jeta të dielën, në moshën 88-vjeçare. Ai e mbajti postin e presidentit të Koresë së Jugut nga viti 1993 deri në vitin 1998. (Xu Guang/Artan Goga)