Ministria kineze e Mbrojtjes njoftoi se ushtria kineze dhe ajo amerikane kanë formalizuar një seri të re marrëveshjesh.
Wu Qian nga Ministria e Mbrojtjes tha se marrëveshjet krijojnë zyrtarisht linja komunikimi për të lejuar të dyja palët të njoftojnë njëra-tjetrën lidhur me operacionet e mëdha ushtarake.
Marrëveshjet përfshijnë gjithashtu kode të sjelljes gjatë bashkëpunimit ajror dhe detar mes dy ushtrive.
"Është një masë praktike dhe zbaton një vendim strategjik marrë nga liderët e dy vendeve. Është në favor të krijimit të besimit të ndërsjelltë dhe parandalon keqkuptimet si dhe do të kontribuojë në krijimin e një lloji të ri marrëdhëniesh mes Kinës dhe SHBA-së, si dhe në ushtritë e dy superfuqive."
Të dy palët ranë zyrtarisht dakord për krijimin sistemeve të reja të raportimit në muajin nëntor, pas propozimit të kreut të Shtetit të Kinës Xi Jinping gjatë takimit të tij me Barak Obama në qershorin e vitit 2013. (Albana)