Gjatë bisedimeve me homologun e tij amerikan Barack Obama, presidenti i Kinës Xi Jinping paraqiti të premten në Uashington gjashtë propozime për zhvillimin e mëtejshëm të marrëdhënieve kino-amerikane.
Xi kërkoi të ruhen kontaktet e ngushta të nivelit të lartë dhe të niveleve të tjera, duke u shfrytëzuar si duhet mekanizuat e dialogut midis dy vendeve, si dialogu strategjik e ekonomik Kinë-ShBA, konsultimet e shkëmbimet njerëzore të nivelit të lartë, komisioni i përbashkët ekonomiko-tregtar etj., që të nxiten më tej marrëdhëniet kino-amerikane.
Ai propozoi gjithashtu zgjerimin e dhe thellimin e bashkëpunimit pragmatik midis dy vendeve në fushat ekonomiko-tregtare, ushtarake, luftës kundër terrorizmit, zbatimit të ligjit, energjetike, të mbrojtjes së mjedisit dhe të ndërtimit të infrastrukturës.
Presidenti Xi kërkoi shtimin e shkëmbimeve njerëzore, për të hedhur baza të forta shoqërore për zhvillimin e marrëdhënieve kino-amerikane.
Sipas tij, të dy vendet duhet të respektojnë ndryshimet midis dy palëve në traditat historike e kulturore, në sistemin shoqëror, në rrugën e zhvillimit dhe në fazën e zhvillimit, duke e bërë më dinamik përparimin e përbashkët.
Gjatë takimit me Obamën Xi kërkoi të vazhdohet thellimi i dialogut e bashkëpunimit mbi çështjet në rajonin e Azi Paqësorit.
Ndërsa në fund, presidenti kinez e ftoi homologun amerikan për të përballuar bashkërisht sfidat e ndryshme rajonale e globale, që t'i ofrohet komunitetit ndërkombëtar më shumë të mira publike. (Wang Lei/Leftion Peristeri)