Kryeministri i Kinës Li Keqiang tha të enjten se Kina do të përpiqet të zbatojë reformën strukturore dhe strategjinë e zhvillimit me novacion, që të shfrytëzojë plotësisht potencialin ekonomik dhe të ruajë rritjen e mesme dhe të shpejtë të ekonomisë kineze.
Li Keqiang i tha këto në ceremoninë e hapjes së Forumit të 9-të të Davosit Veror, që zhvillohet në qytetin Dalian të Kinës Verilindore. Ai theksoi se aktualisht ekonomisë botërore i mungon dinamika e rimëkëmbjes dhe as Kina nuk mund të përjashtohet nga kjo situatë e përgjithshme. Por në zhvillimin e ngadalshëm dhe të qëndrueshëm, ka më shumë pritshmëri pozitive dhe shanse se sa sfida.
Kryeministri kinez vuri në dukje se reformat financiare po zbatohen në drejtimin e marketizimit dhe sipas ligjit, me synim kultivimin e tregut të hapur të kapitaleve, transparent dhe me zhvillim normal afatgjatë. "Kina do të përpiqet të parandalojë rreziqet financiare rajonale e sistematike," theksoi Li.
"Kina do të kryejë sistemin e pagesave ndërkufitare të monedhës kineze RMB, që të zhvillohet tregu i RMB-së jashtë Kinës dhe do të përkrahë eksportin e pajisjeve," shtoi kryeministri kinez.
Në Forum marrin pjesë mbi 1700 të ftuar,përfshirë kryetarin e Forumit të Ekonomisë Botërore Klaus Schwab, politikanë dhe përfaqësues nga mbi 90 vende e rajone të botës. (Wang Lei)