Tokio u përfshi nga protestat masive në fundjavë, pasi partitë opozitare kanë kundërshtuar politikat e reja të mbrojtjes të kryeministrit Shinzo Abe.

Rreth 120 mijë protestues u mblodhën jashtë parlamentit këtë fundjavë, duke u kërkuar ligjvënësve të rishikojnë planet për ndryshime në kushtetutë për mbrojtjen.

Ligjvënësi Ichiro Ozawa ishte në mesin e protestuesve që bënë thirrje për largimin e Shinzo Abes nga detyra.

Organizuesja e protestës Mami Aoji beson se eksziston një prirje e rrezikshme në rritje në politikën japoneze.

"Nëse do ta përshkruaja Japoninë me një frazë, do ta cilësoja 'një komb i qetë.' Por, në këto momente, po ndodh diçka e pa imagjinueshme, paqja po shkatërrohet."

Projektligji i ri që do të lejojë forcat e armatosura të Japonisë të luftojnë jashtë vendit po shqyrtohet në Dhomën e Lartë të parlamentit japonez. (AlBaNa)