Numri i të vdekurve nga shpërthimi i magazinës në Tianjin në veri të Kinës ka arritur në 121.
Shpërthimet e fuqishme kanë ndodhur në Portin e Tianjin-it në natën e 12 gushtit.
Ndër të vdekurit janë 67 zjarrfikës dhe shtatë policë.
Numri i të vdekurve ishte 116 deri të premten pasdite.
54 persona rezultojnë të humbur, duke përfshirë 37 zjarrfikës dhe katër policë.
Deri tani 640 persona janë të shtruar në spitale, ku 48 janë të plagosur rëndë.
Policia e Tianjin-it ka kryer testet e ADN-së tek 121 viktimat e shpërthimit, ku dy trupa mbeten të pa identifikuar.
Qendra e monitorimit të mjedisit të qytetit bën të ditur se shpërthimet nuk e kanë kontaminuar sipërfaqen ujore përreth dhe as ujërat në det të hapur.
Në magazinë ruheshin qindra ton kimikate toksike në kohën e shpërthimit, duke përfshirë rreth 700 ton cianid natriumi.(Raela)