Të mërkurën u zhvillua në Tianjin të Kinës Takimi i 9-të i Zyrtarëve të Lartë Kinë-ASEAN për çështjen e detit të Kinës Jugore. Kina dhe vendet e ASEAN-it u zotuan në këtë takim se do të nxitin hartimin e një Kodi Sjelljeje dhe do të ruajnë paqen dhe stabilitetin në rajon.

Zëvendësministri i Punëve të Jashtme të Tajlandës Don Promudwinai tha se takimi kishte rëndësi për nxitjen e përfundimit të hershëm të Kodit të Sjelljes.

"Për këtë sesion, është e rëndësishme që ASEAN-i dhe Kina të punojnë për përfundimin e hershëm dhe nxitjen e Kodit të Sjelljes. Ne jemi dakord të vendosim për një fazë të re këshillimesh për Kodin e Sjelljes."

Në takim është miratuar po ashtu një plan pune për zbatimin e Deklaratës së Sjelljes së Palëve në Detin e Kinës Jugore për vitet 2015-2016.

Zëvendësministri i Jashtëm kinez Liu Zhenmin thotë se palët përkatëse duhet të tregojnë durim për zgjidhjen e mosmarrëveshjeve në detin e Kinës Jugore.