Administrata e Aviacionit Civil e Kinës(CAAC) përmes një video-konference trajtoi të dielën incidentin e zjarrëvënies në fluturimin ZH9648.
Gjatë mbledhjes Administrata urdhëroi drejtuesit e aeroportit të qytetit Taizhou, nga ku u nis avioni të marrin masa për hetimin e drejtë të incidentit si dhe i kërkoi Drejtorisë së Kontrollit të Aviacionit Civil për krahinat lindore që pas vlerësimit të masave të sigurisë të vendosë nëse duhet ndërprerë përkohësisht funksionimi i aeroportit.
Rreth orës 1.00 të mëngjesit të së dielës, në aeroplanin e linjës ZH9648 që u nis nga aeroporti Taizhou me destinacion Guangzhoun, një pasagjer tentoi të ndezë zjarr dhe të prishë pajisjet e kabinës. Me ndihmën e pasagjerëve, ekuipazhi i avionit arriti të shmangë aksidentin e rëndë.
Administrata Kombëtare e Aviacionit Civili ka urdhëruar drejtoritë në krahina të ndryshme të vendit të kryejnë kontrolle për gjendjen e sigurisë në aeroportet me kapacitet të mesëm dhe të vogël.
(Zhang Yan)