Ministrat e jashtme të vendeve anëtare të BE-së u takuan të hënën në Luksenburg, duke shpallur fillimin e planit të veprimeve "Forca detare e Mesdheut", që synon goditjen e trafikut të qenieve njerëzore në detin Mesdhe.

Përfaqësuesja e lartë e BE-së për Politikën e Jashtme dhe të Sigurisë Frederica Mogherini u shpreh: "BE-ja nuk i ka kushtuar kurrë më parë një vëmendje kaq të madhe problemit të imigrantëve. Objektivi ynë është të luftojmë atë biznes që përfiton nga vuajtjet e imigrantëve të paligjshëm. Kjo është vetëm një pjesë e një strategjie më të gjerë të BE-së."

Plani i veprimit "Forca detare e Mesdheut" ndahet për tre faza. Faza e parë është monitorimi dhe vlerësimi i rrjetit të trafikimit në detin Mesdhe, faza e dytë përfshin kërkimin dhe kontrollin e anijeve të dyshuara, kurse në fazën e tretë do të kryhet ndalimi i trafikantëve e do të trajtohen anijet dhe fondet përkatëse. (Fang Xiaoyu/Artan Goga)