Analistët vunë në dukje se BE-ja dhe FMN-ja kanë humbur durimin ndaj Greqisë dhe pritet vetëm reagimi i palës greke. Sipas marrëveshjes së arritur në shkurtin e sivjetshëm, kreditorët ndërkombëtarë ranë dakord të shtyjnë shlyerjen e borxheve të Greqisë për katër muaj të tjerë, që do të thotë se afati përfundimtar është fundi i këtij muaji. Por, kushti paraprak i marrjes së kredive të reja është dorëzimi i planit të reformave,të pranuara nga kreditorët. Mirëpo, projekti që Greqia i paraqiti të hënën BE-së sërish nuk i përmbushi kërkesat. Të enjten e ardhëshme në Luksemburg do të zhvillohet mbledhja e ministrave të financave, ku do të marrë pjesë edhe përfaqësuesi i FMN-së. Rezultati i kësaj mbledhjeje do të vendosë të ardhmen e zgjidhjes së problemit të borxheve të Greqisë.