Përfaqësuesi i përhershëm i Kinës në OKB, Liu Jieyi tha gjatë mbledhjes së rradhës së Këshillit të Sigurimit të premten se duhet forcuar bashkëpunimi ndërkombëtar, për të ndaluar fluksin e militantëve terroristë në zonat në konflikt. Sipas tij fluksi i militantëve terroristë përbën "një sfidë të re" për luftën kundër terrorizmit, që cënon seriozisht sigurinë, stabilitetin e vendeve të origjinës së këtyre luftëtarëve, atyre tranzit dhe vendeve pritëse.

Sipas OKB-së, 25 mijë luftëtarë terroristë nga mbi 100 vende anëtare të saj i janë bashkuar grupeve terroriste si Al-Qaida, Shteti Islamik (IS) dhe Frontit Al-Nusrah (ANF).

Përfaqësuesi kinez në OKB bëri thirrje që për parandalimin e fluksit të militantëve terroristë të forcohet bashkëpunimi ndërkombëtar, nëpërmjet mekanizmave dy dhe shumëpalësh.

Ai garantoi se Kina do të vazhdojë të zbatojë me rigorozitet rezolutat e KS në luftën kundër terrorizmit, duke shtuar përpjekjet e saj në këtë luftë, sipas ligjit ndërkombëtar. (Eda Merepeza)