Vrojtimet e avionëve ushtarak; amerikanë në ishujt e Kinës janë shumë të rrezikshme dhe të papërgjegjshme, tha të hënën zëdhënësja e Ministrisë së Jashtme Hua Chunying, duke shtuar se Pekini i ka paraqitur një notë proteste Uashingtonit.
Zëdhënësja tha se afrimi i avionit ushtarak amerikan mund të shkaktojë keqkuptime dhe aksidente ajrore e detare.
"Ky është një veprim shumë i rrezikshëm dhe i papërgjegjshëm. Kina e kundërshtoi me vendosmëri këtë provokim të palës amerikane," tha Hua.
"Kina i kushton vëmendje të madhe sigurisë dhe lirisë së lundrimit e fluturimit në Detin e Kinës Jugore. Por lundrimet dhe fluturimet e lira nuk mund të përfshijnë kalimin e anijeve dhe të avionëve të huaj ushtarakë, që shkelin ligjet ndërkombëtare dhe shpërfillin të drejtat ligjore të vendeve të tjera," shtoi ajo. (Xu Guang/Leftion Peristeri)