Kryeministri i Kinës Li Keqiang mbërriti në Bogota kryeqytetin e Kolumbisë.
Si ndalesa e dytë e turneut të tij prej katër vendesh në Amerikën Latine, Li pritet të takohet me presidentin kolumbian Juan Manuel Santos.
Ai do të marrë pjesë gjithashtu në një seminar për shkëmbimet midis Kinës dhe Amerikës Latine. Në këtë seminar do të marrë pjesë dhe fituesi i çmimit Nobel për Letërsinë, Mo Yan.
Kina është tani partneri i dytë më i madh tregtar i Kolumbisë. Tregtia dypalëshe është rritur pothuajse me 50 për qind nga viti në vit, duke shkuar në mbi 15 miliardë dollarë amerikanë.
Li Keqiang vizitoi së pari Brazilin në turneun e tij në Amerikën Latine. Ai do të vizitojë gjithashtu Perunë dhe Kilin. (Leftion Peristeri)