Spanja është renditur si destinacioni më i mirë për turizëm, ndërkohë Kina mban vendin e 17-të, sipas Raportit mbi Konkurrueshmërinë e Turizmit 2015, publikuar të mërkurën nga Forumi Botëror i Ekonomisë.
Në këtë raport u analizuan 141 ekonomi botërore dhe u mat potenciali i secilit vend për krijimin e përfitimeve ekonomike dhe sociale përmes zhvillimit të turizmit.
Ndër vendet aziatike, Japonia renditet e 9-ta në klasifikimin global, me burimet e pasura kulturore, infrastrukturë të përsosur dhe me ekonomi dixhitale të zhvilluar.
Sipas raportit, vendet me konkurrencë më të fortë turistike janë vendet e zhvilluara si Spanja, Franca, Gjermania, SHBA-ja, Britania, Zvicra, Australia, Italia dhe Kanadaja.
Bëhet e ditur se hendeku i konkurrencës turistike mes vendeve të zhvilluara dhe atyre në zhvillim është ngushtuar. Azia Lindore është shndërruar në rajonin me rritje më të shpejtë turistike në botë. (Xu Guang)