Presidenti kinez Xi Jinping u shpreh të martën se Kina dhe Pakistani do të ecin gjithmonë përpara së bashku dhe populli kinez do të qëndrojë gjithmonë përkrah popullit pakistanez.

Xi i bëri këto komente në fjalën e mbajtur në një sesion të përbashkët të parlamentit të Pakistanit.

Numri një i shtetit kinez e përshkroi Pakistanin si mik besnik i Kinës, duke thënë se marrëdhëniet mes tyre janë të bazuara në besimin dhe mbështetjen e ndërsjellë.

Z. Xi gjithashtu i vlerësoi përpjekjet e palës pakistaneze kundër terrorizmit, duke thënë se Pakistani ka qëndruar gjithmonë në vijën e parë të frontit në luftën kundër terrorizmit dhe ka bërë sakrifica të mëdha.

Për marrëdhëniet e gjithanshme Kinë-Azi Jugore, presidenti kinez tha se një Azi Jugore paqësore dhe e qëndrueshme përputhet me interesat e Kinës.

Xi Jinping ndodhet në Islamabad për vizitën e vet të parë zyrtare në Pakistan. Po sot ai do të shkojë në Indonezi për të marrë pjesë në Samitin Aziatik-Afrikan dhe veprimtaritë përkujtimore me rastin e 60-vjetorit të Konferencës së Bandungut. (Artan Goga)