Presidenti i Kinës Xi Jinping mbajti të martën në parlamentin e Pakistanit një fjalim me titull "Formimi i lidhjes së fateve të përbashkëta kino-pakistaneze, nisja e procesit të ri të bashkëpunimit me interes të përbashkët". Në fjalimin e vet kreu i shtetit kinez vlerësoi lart miqësinë në të gjitha situatat dhe bashkëpunimin e gjithanshëm mes Kinës dhe Pakistanit. Xi theksoi se Kina dhe Pakistani duhet të pasurojnë në mënyrë të pandërprerë lidhjen e fateve të përbashkëta mes tyre, duke ruajtur rol model për lidhjen e fateve të përbashkëta të Azisë. Xi Jinping shtjelloi konceptin e zhvillimit paqësor të Kinës dhe politikën e miqësisë të Kinës me vendet e Azisë Jugore. Ai u shpreh se Kina është e gatshme për forcimin e bashkëpunimit me këto vende, duke realizuar zhvillimin dhe përparimin e përbashkët. (Xu Guang/Artan Goga)