Presidenti i Kinës Xi Jinping u takua të hënën me shefin e Shtabit të Përgjithshëm të Ushtrisë së Pakistanit, Rashad Mahmood, shefin e forcave tokësore Raheel Sharif, të forcave detare Muhammad Zakaullah, të forcave ajrore Sohail Aman dhe me zyrtarë të tjerë të lartë të ushtrisë pakistaneze.

Gjatë takimit presidenti Xi theksoi se ushtria pakistaneze është një nga shtyllat e miqësisë midis Kinës dhe Pakistanit, e cila ka luajtur një rol të rëndësishëm në forcimin e marrëdhënieve dypalëshe.

"Në situatën e re, ne po ndërtojmë një komunitet të ri dhe ndajmë një fat të përbashkët, ku ushtria pakistaneze shërben si mbështetje e rëndësishme. Të dyja ushtritë duhet të forcojnë shkëmbimet, të përdorin me efikasitet komunikimin në fushën e sigurisë dhe të mbrojtjes, si dhe të thellojnë bashkëpunimin në stërvitjet ushtarake, theksoi presidenti Xi.

Shefi i shtabit të përgjithshëm të ushtrisë së Pakistanit, Mahmood dhe ushtarakët e tjerë të lartë vlerësuan vizitën e presidentit Xi Jinping në Pakistan, duke u shprehur se bashkëpunimi në fushën e mbrojtjes dhe të sigurisë është mjaft i rëndësishëm për marrëdhëniet dypalëshe. Ata falenderuan dhe për mbështetjen dhe ndihmën e Kinës ndaj Pakistanit.