I shoqëruar nga homologu pakistanez, Mamnoon Hussain kreu kinez i shtetit i dorëzoi Çmimet e Miqësisë me 5 Parimet e Bashkekzistencës Paqësore, kreut të Komitetit të Përhershëm të Senatit për çeshtjet e mbrojtjes së Pakistanit, Mushahid Hussain Sayed, i cili ka promovuar për një kohë të gjatë Kinën në Pakistan, rojës së Parkut Përkujtimor të Kinës, Ali Ahmad Jan, i cili për një periudhë 37 vjeçare ka kryer këtë detyrë si dhe ish ambasadorit të Pakistanit në Kinë, Massod Khan.
Ndër grupet e dekoruara për kontributin e dhënë në forcimin e miqësisë kino-pakistaneve janë Universiteti Kombëtar i Gjuhëve Moderne i Pakistanit, në të cilin është themeluar i pari institut Konfuci në vend, të gjitha shoqatat e miqësisë Pakistan-Kinë, të cilat kanë lehtësuar shkëmbimet njerëzore dypalëshe, duke kultivuar tek të rinjtë dashurinë për Kinën, Kolegji Kombëtar i Manaxhimit, që promovon komunikimin midis dy qeverive dhe dy vendeve, si dhe ekipi mjekësor pakistanez, pjesmarrës vullnetar pas tërmetit të vitit 2008 në Wenchuan.
Në fjalën e mbajtur me këtë rast, presidenti Xi vlerësoi forcimin e miqësisë midis Kinës dhe Pakistanit, duke shprehur mirënjohje për pakistanezët, që promovojnë miqësinë dypalëshe.
Kreu kinez i shtetit Xi Jinping nisi vizitën e tij të parë zyrtare në Pakistan, të hënën me takimin me kryeministrin Nawaz Sharif. Të dy vendet kanë publikuar një deklaratë të përbashkët për shtyp, ku shprehet vendosmëria për forcimin e marrëdhënieve dypalëshe, në nivel të partneritetit strategjik. Të martën presidenti Xi do të mbajë një fjalim në Parlamentin e Pakistanit. (Eda Merepeza)