Rusia, Australia dhe Danimarka deklaruan të shtunën se do të marrin pjesë në Bankën Aziatike të Investimeve Infrastrukturore (BAII). Ndërkohë, Hollanda, Brazili, Gjeorgjia kanë shpallur zyrtarisht anëtarësimin në BAII si vende nismëtare.

Në të njejtën ditë, Britania dhe Zvicra janë bërë zyrtarisht vende nismëtare të BAII-së. Tashmë janë 30 vende nismëtare për krijimin e BAII dhe para mbylljes së afatit të aplikimit, ka edhe disa vende që kanë shprehur dëshirën për anëtarësim.

Sipas mediave, deri tani, numri i vendeve nismëtare që kanë aplikuar dhe atyre që aspirojnë të anëtarësohen ka arritur në 42.

Aplikimi për anëtarësim në BAII përfundon më 31 mars dhe vendet që nuk përfshihen në këtë bankë brenda këtij afati, në të ardhmen mund të marrin pjesë si anëtarë të zakonshëm.(Jiang Lei)