Ministria e Financave e Kinës bëri të ditur të enjten se po atë ditë Turqia i ka dorëzuar zyrtarisht palës kineze kërkesën për pranim në Bankën Aziatike të Investimeve Infrastrukturore (BIIA) si anëtare themeluese.
Ministria e Financave e Kinës tha se pala kineze e mirëpret vendimin e palës turke. Nëse aplikimi del me sukses, Turqia do të bëhet anëtare themeluese e BIIA-s më 10 prill.
Ditët e fundit, zgjerimi i BIIA-s ka hyrë në pikën kulmore. Nga 12 marsi deri më tani, Britania, Franca, Gjermania, Italia, Luksemburgu, Zvicra dhe Austria kanë vendosur të anëtarësohen në BIIA, ndërsa Kanadaja, Australia dhe Koreja e Jugut po e shqyrtojnë një gjë të tillë.
Sekretari i përgjithshëm i Sekretariatit të Përkohshëm Shumëpalësh të BIIA-së Jin Liqun u shpreh se, deri në fund të marsit, kur përfundon pranimi i aplikimeve, numri i anëtarëve themelues të BIIA-së pritet të arrijë mbi 35. (Çang Çuo/Artan Goga)