Komisioni i Financave dhe i Ekonomisë i Asamblesë Kombëtare Popullore të Kinës miratoi të enjten raportin e shqyrtimit të projektbuxhetit kombëtar e lokal të vitit 2015, duke shprehur mendimin se ky projekt i paraqitur nga Këshilli i Shtetit pasqyron konceptin e zhvillimit të qëndrueshëm.

Sipas këtij raporti, në vitin 2015, të ardhurat e buxhetit kombëtar parashikohen të jenë 15.43 trilionë juanë, 7.3 % më shumë në krahasim me vitin 2014, ndërsa shpenzimet 17.15 trilionë juanë, me një rritje 10.6 %. Duke shtuar shumën prej 100 miliardë juanësh nga fondi qendror për balancimin e buxhetit, deficiti buxhetor do të jetë 1.62 trilionë juanë, 270 miliardë juanë më shumë në krahasim me vitin 2014.