Gjatë punimeve të sesionit vjetor legjislativ të martën, udhëheqësit e lartë kinezë bënë thirrje për shtimin e përpjekjeve për të luftuar varfërinë dhe korrupsionin. Kryetari i Komitetit të Përhershëm të Asamblesë Kombëtare Popullore Zhang Dejiang u bëri thirrje autoriteteve vendore të sjellin më shumë përfitime për popullin dhe të ulin nivelin e varfërisë. Ai i bëri këto komente gjatë diskutimit të ligjvënësve nga provinca veriperëndimore Gansu, në kuadër të sesionit vjetor të Asamblesë Kombëtare Popullore të Kinës.

Ndërsa Wang Qishan, kryetar i Komisionit Disiplinor të Inspektimit të PKK-së u tha ligjvënësve nga provinca Shanxi se marrja e ryshfetit dhe korrupsioni duhen luftuar me masa të rrepta. Ai u bëri thirrje autoriteteve vendore të zbatojnë me rigorozitet detyrat e caktuara në këtë drejtim nga PKK-ja. (Eda Merepeza)