Jordania u zotua se është e gatshme të lirojë një grua terroriste nëse IS do të lirojë pilotin jordanez.

Në një deklaratë për televizionin jordanez, një prej autoriteteve tha se Jordania është e gatshme të lirojë irakenen Sajida Rishawi nëse lirohet piloti jordanez.

Të martën, Forcat e Armatosura Jordaneze pohuan se po punojnë mbi verifikimin e vërtetësisë së videos së publikuar nga IS-i më herët gjatë ditës.

Sipas videos së paverifikuar, pengu japonez thotë se IS-i do ta lirojë atë vetëm nëse Rishawi do të lirohet brenda 24 orëve, në të kundërt ai do të ekzekutohet së bashku me pilotin jordanez, i cili u kap gjatë muajit të kaluar nga militantët e IS-it pas rrëzimit të avionit muajin e kaluar në Siri.