Firma private gjermane e hetimeve "Wifka" deklaroi të hënën që, për shkak se hetimet mbi shkakun e rrëzimit të aeroplanit të fluturimit MH17 të kompanisë "Malaysia Airlines" nuk kanë pasur përparim, klienti i saj e ka ngritur nga 30 milionë në 47 milionë dollarë amerikanë shumën e shpërblimit për kapjen e autorëve të kësaj tragjedie.
Detektivi i njohur privat që drejton hetimet, Josef Resch, u shpreh po atë për mediet se klienti i tij ka shumë shpresë te dëshmitarët, duke deklaruar se çdokush që ofron prova konkrete për gjetjen e autorëve do të fitojë 47 milionë dollarë amerikanë. Megjithatë, Resch nuk dha asnjë informacion lidhur me klientin që ka ofruar këtë shpërblim.(Jiang Lei)