Një hetim në shkallë të gjerë ka nisur për gjetjen e shkaqeve të shpërthimit të raketës pa pilot, të lëshuar dje nga një qendër e NASA-s në shtetin amerikan të Virxhinias. Raketa e quajtur "Antares" shpërtheu vetëm disa sekonda pas nisjes, ndërsa transportonte një ngarkesë 5 mijë tonëshe drejt Stacionit Ndërkombëtar Hapësinor.
Një numër vëzhguesish janë fokusuar tek vjetërsia e raketës që mund të jetë një nga shkaqet e shpërthimit, pasi motorët e saj janë riparuar 40 vjet më parë. Shpërthimi nuk shkaktoi dëme në njerëz, përveç disa dëmeve në territorin përreth. (Eda Merepeza)