Kryeministri britanik David Cameron ka kundërshtuar me forcë kërkesën që vendi i tij t'i japë BE-së 2.1 miliardë euro shtesë.
Cameron këmbëngul se Britania nuk do ta paguajë këtë shumë në një kohë të trysnisë gjithnjë në rritje në vend për t'u larguar nga BE-ja.
Komisioni ekzekutiv i BE-së është shprehur se kërkesa ka ardhur nga fakti që ekonomitë e disa vendeve, si Britania, janë rritur më shumë sesa pritej në fillim të vitit.
Shifrat zyrtare të premten treguan se rimëkëmbja ekonomike e Britanisë po vazhdon, pavarësisht gjendjes jo të mirë të ekonomisë botërore. (Artani)