Zv.përfaqësuesi i përhershëm i Kinës në OKB Wang Ming u shpreh të enjten se bashkësia ndërkombëtare duhet të vazhdojë t'i përkrahë vendet më të pazhvilluara e vendet në zhvillim pa dalje në det të përballojnë sfidat e ndryshme.

Komisioni Ekonomik dhe Financiar i Sesionit të 69-të të Asamblesë së Përgjithshme të OKB-së zhvilloi të enjten një mbledhje lidhur me çështjen e vendeve në gjendje të jashtëzakonshme. Wang Ming u shpreh në këtë mbledhje se tani hapat e rigjallërimit të ekonomisë globale janë të ngadalshme, krizat humanitare në rajonet ku ka konflikte po acarohen dhe po shtohen rreziqet nga epidemia e ebolës. Si pasojë, vuri në dukje Wang, janë shtuar pandërprerë sfidat ndaj vendeve më të pazhvilluara e vendeve në zhvillim që nuk kanë dalje në det. Ai i bëri thirrje bashkësisë ndërkombëtare të veprojë për t'u dhënë mbështetje këtyre vendeve.

Zv.përfaqësuesi i përhershëm i Kinës në OKB Wang Ming shtoi gjithashtu se qeveria kineze i ka përkrahur gjithmonë vendet më të pazhvilluara e vendet në zhvillim pa dalje në det dhe do të vazhdojë të japë ndihmë për to për të përballuar sfidat e zhvillimit. (Fani/Artani)