Ushtria irakiane njoftoi të mërkurën se forcat e sigurisë kanë arritur të sprapsin sulmin e militantëve të ISIS në qytetin Ameriyat al-Fallujah, duke vrarë 32 militantë.
Në orët e para të mëngjesit, militantët nisën ofensivën në 3 drejtime, por u sprapsën nga forcat irakiane të sigurisë. Forca ajrore e Irakut dhe avionët ushtarakë të "Aleancës Ndërkombëtare" nisën sulme të përbashkëta, të cilat rezultuan me sprapsjen e militantëve pas disa orëve.
Qyteti Fallujah, i cili ndodhet 40 km në perëndim të Bagdadit, ka një pozitë të rëndësishme strategjike. Nëse ky qytet rrëzohet, atëherë do të shkaktojë kërcënim për sigurinë e Bagdadit dhe më gjerë. (Fang Xiaoyu)