Qeveria e Rajonit të Posaçëm Administrativ të Hong-Kongut dhe Federata e Studentëve e Hong-Kongut zhvilluan një dialog dyorësh të martën në mbrëmje. Ky ishte dialogu i parë dypalësh për reformën politike.
Gjatë dialogut, sekretarja e përgjithshme e Administrimit e Qeverisë së Hong-Kongut Carrie Lam u shpreh se qeveria e Hong-Kongut dëshiron të ruajë dialogun me Federatën e Studentëve dhe me organizata të tjera. Znj. Lam theksoi se projekti i zgjedhjeve të përgjithshme në vitin 2017 nuk është një projekt përfundimtar dhe mund të përmirësohet sipas gjendjes së Hong-Kongut.
Carrie Lam shprehu gjithashtu shpresën që Federata e Studentëve do ta mirëkuptojë sinqeritetin e qeverisë dhe do t'i trajtojë në mënyrë pozitive kërkesat e qytetarëve për rivendosjen e rendit publik. (Fani/Artani)