Kina ka dërguar një ekip ekspertësh mjekësorë në Sierra Leone për të ndihmuar këtë vend të luftojë me Ebolën.
Ekipi prej 59 ekspertësh mjekësorë nga Qendra Kineze e Kontrollit dhe Parandalimit të Sëmundjeve do të angazhohet në testimin e virusit.
Deri tani, afro 5 mijë njerëz në vendet e Afrikës Perëndimore, kryesisht në Liberi, Sierra Leone dhe Guine, janë infektuar me këtë virus.
Mbi 2,400, ose gjysma e të infektuarëve kanë humbur jetën, ku pjesa më e madhe janë në Liberi.
Organizata Botërore e Shëndetësisë (OBSH) ka parashikuar se mbi 20 mijë njerëz do të preken me këtë virus.
OBSH-ja përshëndeti të martën angazhimin e qeverisë kineze për dërgimin e ekipit në Sierra Leone. (Albana)