Lideri suprem i Iranit Ayatollah Ali Khamenei tha të hënën se vendi i tij ka refuzuar ftesën e ShBA-së për formimin e koalicionit për shkatërrimin e organizatës ISIS.
Khamenei tha se Irani nuk do të bashkëpunojë me amerikanët, pasi sipas tij ata kanë "qëllime të këqija", prandaj nuk është momenti që dy palët të diskutojnë goditjen ndaj ISIS-it.
Më 15 shtator, përfaqësuesit e 5 vendeve të përhershme të OKB-së, vendet europiane dhe ato arabe, OKB-ja, BE-ja dhe Lidhja Arabe u takuan në Paris për të diskutuar mbi rrugët për goditjen e ISIS-it, ndërsa Irani nuk ishte i pranishëm në këtë takim. (Wang Xianya)