Kina shënoi 69 vjetorin e Ditës së Fitores në Luftën Anti-japoneze, për herë të parë që pas caktimit të saj nga Asambleja Kombëtare Popullore.

Udhëheqësit e lartë të Kinës ishin të pranishëm sot në mëngjes në Muzeun e Rezistencës së Popullit Kinez Kundër Agresionit Japonez. Ndër ta, presidenti Xi Jinping, kryeministri Li Keqiang, si dhe udhëheqësit e tjerë Zhang Dejiang, Yu Zhengsheng, Liu Yunshan, Wang Qishan dhe Zhang Gaoli.

Zyrtarët qëndruan në heshtje në shenjë ndritmi gjatë ceremonisë që u drejtua nga kryeministri Li Keqiang, ndërsa më pas vendosën kurora me lule për ata që sakrifikuan jetën e tyre në luftë.

Në mënyrë simbolike u qëllua 14 herë më armë zjarri, për të kujtuar 14 vjetët e luftës kundër pushtuesit japonez. Lufta filloi 18 shatorin e vitit 1931 kur trupat japoneze sulmuan verilindjen e Kinës e deri në dorëzimin e Japonisë në vitin 1945.

Llogaritet se 35 milionë kinezë, ushtarë dhe civilë u vranë ose u plagosën nga trupat japoneze.