Sipas burimeve, aeroplani i udhëtarëve i fluturimit AH5017 i kompanisë "Air Algerie", që u zhduk nga radarët 50 minuta pas ngritjes nga aeroporti "Ouagadougo" i Burkina Fasos, është rrëzuar në Niger. Por lajmi pritet që të vërtetohet nga burime zyrtare algjeriane.

"Air Algerie" bëri të ditur që aeroplani i zhdukur është i modelit "Airbus A320" dhe kishte 110 udhëtarë. Para se të humbte kontaktin me radarin, aeroplani po fluturonte në afërsi të kufirit algjerian. Ekuipazhi i aeroplanit mori urdhrin për ndryshimin e kursit të fluturimit për të shmangur përplasjen me një aeroplan tjetër, në kushtet kur pamja nuk ishte shumë e mirë. Por aeroplani u zhduk nga radari pas ndryshimit të kursit. (Wang Xianya/Artani)