Kina përshëndeti rezolutën e Këshillit të Sigurimit të Kombeve të Bashkuara mbi rrëzimin e avionit të Malaysia Airlines MH17.
Ministri i Jashtëm i Kinës Wang Yi, që po shoqëron presidentin Xi Jinping në Amerikën Latine, tha se Pekini kërkon zhvillimin e një hetimi të pavarur, të drejtë dhe objektiv për të zbardhur ngjarjen dhe ngushëlluar të afërmit e viktimave.
"Rezoluta e Këshillit të Sigurimit tregon këtë qëndrim të Kinës," tha Wang.
Ministri i Jashtëm i Kinës, shtoi se incidenti i MH17 tregon se zgjidhja e shpejtë e krizës së Ukrainës është bazë për ruajtjen e paqes dhe stabilitetit në këtë rajon.
"Kina u kërkon të gjitha palëve që të ndalojnë luftimet dhe të zhvillojnë dialog të gjithanshëm, të vazhdueshëm dhe të barabartë," tha Wang. (Çang Çuo/Leftion Peristeri)