Kryeministri i Holandës Mark Rutte tha të shtunën se duhen kërkuar me urgjencë të gjitha trupat e viktimave të avionit MH17.

Kancelarja gjermane Angela Merkel dhe presidenti rus Vladimir Putin ranë dakord gjatë një bisede telefonike që Organizata Ndërkombëtare e Aviacionit Civil të dërgojë një komision të pavarur hetimi në Ukrainë. Gjithashtu ata vendosën që grupi i vëzhguesve të Ukrainës, Rusisë dhe OSBE-së të rifillojë sa më shpejt dialogun me militantët në lindje të Ukrainës dhe të nxitë armëpushimin.

Gjatë telefonatës midis ministrave të jashtëm të Rusisë dhe të ShBA-së, të dyja palët ranë dakord që të marrin masa urgjente për zgjidhjen e krizës në Ukrainë dhe të sigurojnë hetimet ndërkombëtare "krejtësisht të paanshme, të pavurura dhe të hapura" për gjetjen e shkakut të rrëzimit të avionit MH17. (Wang Lei)