Kina dhe Korea e Jugut nënshkruan një marrëveshje për zgjerimin e bashkëpunimit në bashkëprodhimin e filmave. Marrëveshja u nënshkrua pas samitit mes presidentit të Kinës Xi Jinping dhe homologes së tij jugkoreane Park Geun-hye. Sipas marrëveshjes një numër më i madh filmash jugkoreanë do të hyjnë në tregun kinez të filmit.

Gjithashtu marrëveshja mundëson njohjen e bashkëprodhimeve kinematografike nga të dyja palët, dhe i përjashton ato nga sistemi i taksës për filmat e huaj të importuar në Kinë. Marrëveshja e saponënshkruar garanton dhe shpërndarjen e fitimit të filmave. Aktualisht Kina importon 34 filma në vit, bazuar në ndarjen e të ardhurave. (Eda Merepeza)